NEW CHURCH SITES

Peb Hmoob tuaj nyob tebchaws Amelikas muaj li 300,000 leej, tabsis peb HKM nyuamqhuav muaj 93 pawg ntseeg uas yog ze li 30,000 tug tswvcuab xwb.  Qhov nov qhia tias peb sawvdaws tseem tshuav haujlwm ntau heev rau kev coj lwm tus los ntseeg Vajtswv.  Nws twb yog li no es peb HKM thiaj npaj tsa kom tau 4 pawg ntseeg nyob rau ib lub xyoos twg.  Peb ua Vajtswv tsaug uas Vajtswv tau pub rau peb ntau leej sawv mus tsa pawg ntseeg tshiab li nram no:

• Hmong-American Harvest Church.  Peb muaj plaub nkawm niamtxiv hluas hnov Vajtswv lub suab hu kom mus tsa pawg ntseeg no thiab mus coj peb Hmoob hauv Fresno, CA los ntseeg Vajtswv.  Pawg ntseeg no tau chiv xyoo 2007 tag los thiab peb HKM pom zoo  rau Kl. & N. Kl. Neeb Yaj ua tus sawvkev rau kev tsa pawg ntseeg no rau xyoo 2008 no.  Peb yuav nrhiav kom tau ib tug church planter los nrog lawv nyob.

• Hmong Family Community Alliance Church(HFCAC).  Peb pawg  ntseeg no yog a daughter church of our Sacramento Hmong Alliance Church.  Pawg  ntseeg no tau pib nyob rau xyoo 2007 uas yog Sacramento Hmong Alliance Church tau pom zoo rau Kx. & N. Kx. Vam Neeb Yaj nrog rau lawv 12 yim mus tsa pawg ntseeg no rau sab north ntawm Sacramento, CA.  Pawg ntseeg no tau launch lossis pib muaj kev pehawm Vajtswv txij lub 1/6/2008 no lawm.  Qhov txhawb zog heev yog peb muaj tibneeg li 500 leej tuaj koom hnub qib pawg  ntseeg no.  Nws twb muaj ntau yim los ua tswvcuab rau pawg ntseeg no lawm.

• Koinonia Alliance Church.  Kx. & N. Kx. Lug Kub Vaaj nrog rau  ntau yim tswvcuab yog cov mus tsa pawg ntseeg no txij xyoo 2006.  Pawg ntseeg no twb nrhiav tau chaw yuav pib pehawm Vajtswv uas nyob rau Eastside Community Lutheran Church, 1212 Earl Street, St. Paul, MN 55106.  Peb npaj siab kom qhib tau pawg ntseeg no rau xyoo 2008 no. 

• Mission Alliance Church.  Kx. & N. Kx. Vaam Xwm Yaaj tau mus ntawm txoj kev ntseeg mus tsa pawg ntseeg no.  Peb tau chiv pawg ntseeg no thaum lub 6 hlis xyoo 2007 thiab pawg ntseeg no tau qhib thiab pib pehawm Vajtswv rau lub 10/7/07 los ntawm 5 yim tswvcuab.  Nws muaj tib neeg tuaj koom hnub pib pehawm Vajtswv ntau tshaj li 400 leej.  Vajtswv tau coj thiab pab ob yim tau los ntseeg Vajtswv tshiab, thiab tamsim no nws twb muaj 10 yim tswvcuab nyob rau pawg  ntseeg no lawm.  Pawg ntseeg no qhov chaw pehawm Vajtswv yog Evangel Assembly, 9920 W. Good Hope Road, Milwaukee, WI 53218.

• Our City-Our Neighborhood Church.  Xh. & N. Xh. Ntxoov Yees Lis nrog rau Xf. & N. Xf. Npla Txoov Koo tau mus ntawm txoj kev ntseeg mus tsa pawg ntseeg no rau xyoo 2007 dhau los no.  Nws twb muaj ntau leej los koom pawg ntseeg no thiab pawg ntseeg no twb nrhiav muaj chaw yuav pehawm Vajtswv lawm.  Peb npaj siab kom qhib tau pawg ntseeg no rau xyoo 2008 no.

• Thrive Alliance Church.  St. paul Hmong Alliance Church yog mother church rau pawg ntseeg no uas yog txij xyoo 2006 los lawm.  Kx. & N. Kx. Meej Muas  yog tus los coj thiab nrhiav kev tsa pawg ntseeg no.  Nws twb muaj ntau leej los ua core group rau pawg ntseeg no lawm.  Peb npaj siab yuav qhib pawg ntseeg no rau xyoo 2008 no.

• Lwm Qhov Chaw.   Peb HKM qhov kev ntshaw yog kom peb txhawb cov pawg ntseeg uas muaj li 500 leej rov saud lawm kom mus tsa pawg  ntseeg tshiab, thiab peb npaj mus tsa pawg ntseeg tshiab rau tej chaw uas muaj peb Hmoob mus nyob.  Qee qhov chaw uas peb xav npaj mus tsa pawg ntseeg tshiab muaj li no:

1. Stockton, CA.  Peb twb muaj ib pawg ntseeg lawm, tabsis peb tseem tshuav Hmoob coob heev.  Yog li ntawd, peb xav mus tsa kom tau ib pawg ntseeg ntxiv tsis ntev no.
2. Crescent City, CA.  Lub zos no yog nyob rau sab Northern of California uas ze ciamteb Portland.  Peb muaj Hmoob mus nyob rau lub zos no thiab ib lub zos uas ze ntawm lub zos no li 60-70 yim.  Peb npaj siab mus xyuas thiab thov Vajtswv saib Vajtswv yuav coj txoj hau kev licas.
3. Seattle, WA.  Peb twb muaj ob pawg ntseeg nyob rau zaj Seattle, WA lawm, tabsis peb tseem tshuav ib co Hmoob uas nyob ib nyuag deb ntawm ob pawg ntseeg no.  Yog peb tsa ces Hmong Seattle Alliance Church yuav ua mother church rau pawg ntseeg no.
4. Lwm qhov chaw.  Yog peb leejtwg pom qhov chaw twg uas yuav tsa tau pawg  ntseeg tshiab, thov nej hu rau kuv nyob nram peb HKM qhov chaw ua haujlwm.

• The Ministries Of Church Multiplication
• The Process of Church Planting
• An Approach for Church Revitalization
• New Churches
• HKM Cov Church Planters
• Ministry Chart
• Prayer Requests

CM 2008 SEMINARS

Peb C&MA kev cobqhia txog “kev lojhlob” thiab “kev tsimtsa pawg ntseeg” rau xyoo 2008 muaj li nram no:

• GHC Certification/Re-certification (thru districts) 
  January 21-24, 2008 
  The Grove Community Church—Riverside, CA 
  Online registration now open through 1/7/08 
  
• Strategic Multiplication (Church Planting)
  
  (1) Strategic Multiplication (sXt)
  January 21-24, 2008  
  The Grove Community Church—Riverside, CA 
  Online registration now open through 1/7/08 
  
  (2) Strategic Multiplication (sXt)  
  June 2-5, 2008 
  Ft. Gatlin Alliance Church—Orlando, FL
  
  (3) Strategic Multiplication (sXt) 
  August 4-7, 2008 
  Hope Church—Indianapolis, IN 
• CX Advance (for C&MA Church Planting & Health directors) 
  January 24-25, 2008 
  Sheraton Ontario Airport Hotel—Ontario, CA 

Yog peb leejtwg xav mus koom, nej hu rau kuv los tau lossis sau npe ntawm Church Multiplication hauv C&MA qhov website lossis contact Kim Vincent tau ntawm qhov e-mail no: vicentk@cmalliance.org.

• Church Planter Application.
• New Church Monthly Report.
• Grant Request Form.