Nom Lwm Lub Neej

Kx. Nom Lwm Kwm tuaj rua tebchaws Amelikas nuav xyoo 1976 kws yog tuaj poob rua Reading, Pennsylvania. Thaum ntawd nwg tseem yog ibtug tub hluas hab tau tuaj paub Kx. Vaam Txoov Haam (Eanest Heimbach). Thaum nwg kawm tav high school lawm txhaj tau moog kawm Vaajlugkub hab npaaj moog ua tub xaa moo zoo (missionary). Kx. Vaam Txoov Haam yog tug npaaj nwg lub neej kuas moog ua missionary. Qhov ntawd ua rua nwg hloov nwg lub neej, pib ua Vaaqjtswv teg dlejnum thaum nwg tseem hluas. Nwg yog ibtug kws tsim pawg ntseeg Leola thaum nwg tseem nyob Reading.

Tom qaab kws nwg kawm tav Vaajlugkub nyob rua Crown College, nwg tau moog ua xwbfwb rua pawg ntseeg, Lao-Hmong Alliance Church nyob Madison Heights, MI kws nwg nuav hu ua Warren Hmong Alliance Church. Tom qaab 2 lub xyoo kws ua xwbfwb rua pawg ntseeg nuav, Vaajtswv tau hu nwg moog ua xwbfwb rua pawg ntseeg St. Paul Hmong Alliance Church. MN hab moog ua xwbfwb rua pawg ntseeg Providence Hmong Alliance Church, RI ua ntej Vaajtswv hu nwg moog ua missionary rua Thai teb tau 10 lub xyoo.

Xyoo 2005, HKM lub rooj saablaaj tau xaiv nwg lug ua Thawj Tsavxwm ntawm HKM Qha Txuj Moo Zoo moog 4 lub xyoo hab 7 hlis. Kx. Nom Lwm muaj 4 tug mivnyuas 2 tug tub hab ob tug ntxais. Ob tug tub hu ua Nraug Cua hab Nraug Naag; obtug ntxhais hu ua Nkauj Fuab hab Nkauj Nub. Taansim nuav puab tub luj taag lawm, tug yau tshaaj yog 18 xyoo.

Thawj Tsaavxwm Lub Zeem Muag Rov Tom Ntej

Nyob zoo txug ib ntsoom ntseeg suavdlawg,

Txhua zag hloov thawjcoj yuav ua rua suavdlawg tsi tshua tso sab losis kaaj sab moog ib ntus, moog txug thaum kws pum has tas txhuayaam nyob ruaj lawm. Thaum ntawd suavdlawg le maam tso sab tau. Kuv ntseeg has tas mej txhua tug yuav muaj qhov kev txhawj nuav. Kuv los kuj txhawj tuabyaam hab tseem txhawj tshaaj mej txhua tug, vim kuv yog tug yuav ris lub nraa txhua yaam kws zoo hab phem losis yog hab tsi yog. Mej tub nov xuv has tas Hauvpaug Koomhum Moob Qha Txuj Moo Zoo tau hloov dlejnum ob peb yaam. Thaum mej nov tej xuv nuav yuav ua rua mej nyuaj sab hab txhawjxeeb txug kev coj noj coj ua ntawm HKM. Kuv xaav qha rua mej ib qhov ntxiv txug kev ntxhimkhu hab hloov, qhov ntawd yog HKM lub website.

Yaav taag lug HKM lub website yeej ua tau zoo lawm, tabsis peb yuav tau khu kuas zoo tshaaj qhov qub. Qhov ntawd yog xaav khu lub website kuas yog ib qhov chaw kws peb muaj peevxwm yuav moog nrhav kev txawj ntse tau nyob huv, muaj tej xuv kws muaj nuj nqe rua suavdlawg hab nwg yog ib qhov resources center rua HKM cov pawg ntseeg tau siv. Yog le ntawd, taamsim nuav HKM taabtom khu lub website kuas ua tau dlejnum zoo tshaaj qhov qub. Yog mej leej twg muaj lub nam tswvyim kws yuav paab tau HKM los thov mej sau ntawv tau rua Kx.Num Nyaj. Ib qhov lug, xaav qha rua mej paub, vim HKM taabom khu lub website le kws has lug nuav, nwg yuav ua rua tsi yoojyim rua mej kev nkaag moog saib lub website le kws mej lub sab xaav. Yog qhov twg tus ncaab tu ncua los thov mej zaam txim rua peb.

Muaj ib txha xaav kuas kuv muab kuv cov homphaj kws tub has nyob huv internet lawm
Tso rua nuav rua mej tau thov Vaajtswv paab hab. Yog le ntawd, kuv kuj zoo sab yuav muab tso rua nuav rua suavdlawg tau nyeem hab thov Vaajtswv paab.

Homphaj hab Txhimkhu Kev ua Dlejnum ntawm KHM
January, 2006 - July, 2010

1. Txus kev siv nyaj hab cov tub ua ntawm KHM hab tig moog paab cov
   pawg ntseeg
2. Txhimkhu kev tswjfwm hab kev ua dlejnum KHM (restructure) kuas lawv le by-laws hab kev ntseeg.
3. Txhimkhu kev tswjfwm huv tej pawg ntseeg kuas lawv le kev ntseeg hab kev
   cai lijchoj ntawm C&MA
4. Txhimkhu kevcai lijchoj ntxiv kuas lawv le kev nsteeg hab kuas muaj kev tswjfwm
   kuas meej
5. Paab txhua pawg ntseeg kuas muaj xwbfwb hab yug taug xwbfwb
6. Txhawb cov xwbfwb zug hab paab kuas puab muaj pawg ntseeg tuav
7. Taw kev (guidelines) rua kev xaa moo zoo kuas meej
8. Txhawb txhua pawg ntseeg kuas muaj kev koom teg rua kev xaa moo zoo
9. Partnership nrug lwm paab rua kev xaa moo zoo
10. Paab tho txuj kev shortern-mission rua cov pawg ntseeg kuas ua tau dlejnum zoo hab yog txujkev
11. Paab cov pawg ntseeg kuas muaj kev tshaajtawm hab kev tsim tsaa pawg ntseeg tshab ntxiv
12. Txhimkhu Phoo Vaajlugkub dlua tshab (revise)
13. Hloov chaw ua dlejnum ntawm KHM
14. Txhawb cov tub kawm Vaajlugkub kuas lug ua xwbfwb
15. Txhimkhu kev luj hlub ntawm pawg ntseeg kuas paub Vaajtswv (healthy church)
16. Nrhav kev paab cov hluas kws luj hlub tebchaws nuav kuas paub Vaajtswv

Kx. Nom Lwm Kwm
Thawj Tsaavxwm HKM